সিংহদ্বাৰৰ -সংক্ষিপ্তসাৰ

মোৰ পৰবর্তি প্রকাশ সিংহদ্বাৰৰ -সংক্ষিপ্তসাৰ
------------------------------------------------
লাখ লাখ বর্ষাকণা আকাশৰ পৰা ধাৰাষাৰে পৰি আছিল।
কোনো ভাইৰাচ আক্রান্ত কম্পিউটাৰৰ মনিটৰৰ পৰা আখৰবোৰ সৰি পৰাৰ দৰেই।
তেনে এটি বর্ষাকণাক চিৰঞ্জীৱৰ কেমেৰাৰে ফিল্মত ধৰি ৰখাৰ আগ্রহ,
পৰিনিশাৰ সিপাৰৰ মুখাবয়ব এখনক তুলিকাৰে কেনভাছত ধৰি ৰাখিবলে মন,
আদিত্য সন্ধানৰত এটি প্রেম কাহিনীৰ
কিন্তু চিৰ চিনাকি শব্দ আৰু তাৰ অর্থ ধুসৰ হবলে ধৰিলে:

কালক্রমত সকলো একাকাৰ হল
কাহিনী আৰু বাস্তব
সৃষ্টি আৰু স্রজক
সত্য আৰু চিতবিভ্রম

মনোবিজ্ঞানী চিৰঞ্জীৱে বাট হেৰুৱায় মানুহৰ মনৰ অন্ধকাৰ গলিত।
পৰিনিশাৰ পিচ লয় এটি দু:স্বপ্নই
আৰু বিৰাণাই গম পালে –কিবা এটা নাই,
সেই একে ভাব ৰাঘবন ,আচেঙলা,মিয়া ৰূষ্টম আৰু পীযুষৰো ; পীযুষ, যি গাখীৰহে নাখায়।
সি তাৰ সেই হেৰোৱা বস্তুটোক বিচাৰিলে নিচাৰ মাজত।

তাৰ পিচতো চলি গল জীৱন
দুখ আৰু যন্ত্রণা
অসম্পুর্ণতা,নিস:ঙ্গতা,যান্ত্রিকতা আৱু আত্মগ্লানি
অন্ধকাৰ গলিৰ মাজেৰে
কলা ইতিহাসৰ চমু বুৰঞ্জী আৰু
সৃষ্টিৰ যন্ত্রণাৰ মাজেৰে...

ইয়াৰ শেষ কত?
সত্য অন্বেষণ, চলি থাকিল
সিহতে পালে –চাংক্টা-সভ্যতাৰ বিবর্তণৰ ছয় সত্য।
চলি গল –সিংহদ্বাৰৰ সন্ধান
‘সিংহদ্বাৰ’
সমান্তৰাল কাহিনীৰে গঢ়া এক উপন্যাস