ঘৰৰ মুর্গী ....

Holy Smokeৰ পষ্টাৰ আজাৰ বিজাৰ কিন্তু  অসমীয়া চিনেমাখনৰ ছৱি পবলে নাই

কিছুদিন আগতে আমি জাতীয় হীনমণ্যতাৰ  কথা আলোচনা কৰি আছিলো ।কথাটো হয় –ঘৰৰ মুর্গীৰ ,প্রতিবেশীৰ পত্নী ইত্যাদী দৰে ফকৰা যোজনা কিজানি তাৰবাবেই চলি আছে।

১৯৯৭ চনত এখন অসমীয়া  চিনেমা চাইছিলো মুক্তিলাভ কৰাৰ তিনিদিন নে চাৰিদিনৰ দিনাখন।সকলো দিশৰ পৰা চিনেমাখনৰ পৰিপক্ক উপস্থাপন দেখি চাই উঠিয়েই ব্যক্তিগতভাবে মই অভিভুত হৈছিলো ।আৰু যিহেতু মই বিশ্বাস কৰো যে ভাল চিত্রনাট্য এখন চিনেমাৰ ভেটি স্বৰুপ সেই প্রসংশাৰ সিংহভাগ মই চিত্রনাত্যকাৰক দিছিলো ।কিন্তু অলপ দুখো লাগিছিল ,কাৰণ তৃতীয় দিনাৰ প্রথম দর্শনিত দর্শকৰ সংখ্যা পচিশৰ বেছি নহয় ।কেইদিনমান পিচতে হলৰ পৰা চিনেমাখন নোহোৱা হল।

কেইতিমান ৰাষ্ট্রীয় পুৰস্কাৰ পালে,আৰু বহু চিনে মহোৎসবত  জদিও চিনেমাখন সমাদৃত হল মোৰ দৃহ বিশ্বাস প্রযোজকে কিজানি নিজৰ ধন সম্পুর্ণভাবে ঘুৰাই নাপালে ।

হয় ;যে আর্ট চিনেমাৰ বাবে হাজাৰ হাজাৰ দর্শক নাই।কিন্তু দুই কৌটি (সেই সময়ত অসমৰ আনুমানিক জনসংখ্যা ) লোকে বসবাসকৰা ৰাজ্যখনত অন্তত কেইটামান হলত চিনেমাখন এসপ্তাহ অন্তত চলিব লাগিছিল।

তেনে নহল।

মোৰ চিনেমাখন আন্তৰাষ্ট্রীয় পর্য্যায়ৰ যেন লাগিছিল .উৎসাহেৰে লগৰ এজন চিনেমাপ্রেমীক কথাটো  কলো। সি একে বাক্যৰে উত্তৰ দিলে :-এ’হ অসমৰ লেভেল । (জাতীয়হীনমণ্যতা! )

  গল কথা গুছিল।

দুবছৰ পিচত এখন বিগ বাজেট হলিউদ চিনেমা ওলাল নাম Holy smoke। টাইটানিক খ্যাত কেট ৱিনছলেটজও আছে তাত।কাইনীটো এনেকুৱা :ভাৰত ভ্রমনলৈ আহি এক ৰুঠ বেৰন নামৰ এক বিদেশিনী এক গুৰুৰ প্রভাবত  পৰি সন্যাসী হৈ পৰে আৰু তাকে দেখি তাইৰ পিতৃ মাতৃয়ে গুৰুৰ প্রভাবৰ পৰা তাইক বছাবলৈ এজন পেচাদাৰি  মানুহৰ সহায় বিছাৰে।সময় আগবঢ়াৰ লগে লগে সিহত দুয়ুৰে প্রতি কামভাব জাগে ......।...প্লটটো চিনাকি চিনাকি লাগিছেনে ? হয় ৰাগ বিৰাগ নামৰ অসমীয়অ চিনামাখনৰ লগত প্লটটো একে ।ঘটনাটো কিজানি কাকতলীয় ।(কিজানি নহয় !) ৰাগবিৰাগে নিশ্চয় নকল কৰা নাই কাৰন ৰাগ-বিৰাগ দুবছৰ আগতেই মুক্তি পাইছে ) ।যি কি নহওক  ৰাগবিৰাগ চিনেখন চালে আমি তাৰ চৰিত্রসমুহৰ সমস্যা উপলব্ধী কৰিব পাৰিম ,কিন্তু Holy smoke সেইটো হৈ নুঠিল ।মানে Holy smokeৰ চিত্রনাট্যতকৈ ৰাগ বিৰাগৰ চিত্রনাট্য বহু ভাল:-বিশ্বাস নকৰে যদি নিজে চাই লব দুয়ুখন চিনেমা)

আগতেই কোৱা হৈছে  Holy smoke বিগ বাজেট হলিউদৰ চিনেমা ,কিন্তু  উপভোগ কৰি উঠি নতুনত্ত দেখিব ৰাগ বিৰাগতহে । কিজানি পৰিচালক আৰু প্রয়াত ফটো্গ্রাফাৰ মৃনাল কান্তি দাসে তেনেকুৱা কেমেৰা ,লাইটআৰু পইচা পোৱা নাছিল তথাপিও এই উন্নত প্রদর্শন ।

অ ; কামউত্তেজক দৃশ্যত অবশ্ব্যে Holy smoke ৰাগবিৰাগতকৈ আগত আছে ।কিন্ত সেয়া চাবলৈ দৰকাৰ হলে আমি আন নাম নোহোৱা চিনেমা চাম ,বোলচবি চোৱাৰ দৰকাৰ কিজানি নহব ।

সেই একে চি্ত্রনাত্যকাৰৰ আন এখন চবিৰ বিষয় বস্তু আছিল কবিতা :-আৰু অন্তত চিত্রনাট্যহিচাপে এইখনো এখন সম্পুর্ণ সফল চিত্রনাট্য ।

আজি ৰাগ বিৰাগ ওলোৱাৰ পোন্ধৰ বছৰ হৈছেহে ,কিন্তু চিনেমাখণৰ বিষয়ে কতো একো পাবলৈ নাই ।কিজানি কিছুমান চিনেমাৰসিকৰ বাদে চিনেমাখন আজি পাহৰনীৰ গর্ভত ।

আমাৰ ভাষাত এনে বিষয়ত চিনেমা কৰাৰ সাহস মানুহে কৰিব পাৰে সেয়া ডাঙৰ কথা সেয়া জানো আমাৰ জাতীয় গৌৰবৰ কাৰণ হব নোৱাৰে?