সিংহদ্বাৰৰ বিৰিণা

বিৰিণাৰ ভাৱ -কিবা এটা যে নাই

হেৰোৱা বস্তুটো তাই সঙ্গীতত বিচাৰিছিল

নিচা কিয় লাগে মোক,সঙ্গীতেই মোৰ ডাঙৰ নিচা

কিন্তু  Abbey Road ৰ কভাৰ ফটোখনেওছোন তাইক বিহ্বল কৰি তুলে

লগৰ বোৰে কয় –“ বাদ দে বিৰিণা এইবিলাক চিন্তা কৰাতকৈ তই লিপষ্টিকৰ এলার্জি বা কর্ন্টাচেপ্তিভৰ চাইড ইফেক্টৰ কথা চিন্তা কিয় নকৰ।

কিন্তু অস্তিত্ববাদী চিন্তাবোৰে তাইৰ লগ নেৰা হল

একে ভাব চিৰঞ্জীৱ, পৰিনিশা আৰু আমাৰ সকলোৰে।

সেই কিবা এটাৰ সন্ধানতেই সিংহদ্বাৰৰ যাত্রা

সমান্তৰাল কাহিনীৰে গঢ়া এক উপন্যাস

ডো ৰাহেআল বাৰায়েহ এক ম’ছলেল-বা এটি সমস্যাৰ দুটি সমাধান

দুদিনমান আগতে খৱৰটো পালো –মই ভালপোৱা চলচিত্র নির্মাতা আব্বাছ কিৰোষ্টামি আৰু নাই।বেয়া লাগিল। 

২০১০ চনত তেওৰ Two Solutions for One Problem (Persian: دو راه حل برای يک مسئله)  নামৰ চুটিছবিখন চাই কিবা এটা অনুভব লেখিছিলো –লেপটপৰ গর্ভৰপৰা বিচাৰি ৰাইজলৈ আগবাইছো

------------

ইৰাণৰ বিখ্যাত চিত্রনির্দেশক আব্বাছ কিৰোষ্টামিৰ চুটিছবি ‘ডো ৰাহেআল বাৰায়েহ এক ম’ছলেল-বা এটি সমস্যাৰ দুটি সমাধান’ নামৰ  ছবিখনৰ কাহিনীভাগ এনেধৰণৰ :

পেণ্ডুকনা নাদিৰ আৰু দ্বাৰা কানসমনীয়া। দ্বাৰাই নাদিৰৰ কিতাপ এখন পঢ়িবলৈ নি ঘূৰাই দিয়াৰ পিছত নাদিৰে কিতাপখনৰ এখিলা পাত ফলা দেখা পালে।নিস:ন্দেহে সমস্যাৰ সৃষ্টি হ’ল।সমস্যাৰ সমাধান কেনেকুৱা হব পাৰে?

                                                                                         

সমাধান ১:

গতানুগতিক ‘কিতাপ কা বদলা কিতাপ’ ।তাৰপিচত সিহঁতৰ মাজত কি হল তাৰ জমাখৰছৰ হিচাপতো এনেকুৱা:

নাদিৰ	দ্বাৰা
দ্বাৰাই নাদিৰৰ কিতাপ ফালিলে।	নাদিৰেও দ্বাৰাৰ কিতাপ ফালি প্রতিশোধ ললে।
সেইকাৰনে দ্বাৰাই নাদিৰৰ কলম ভাঙিলে।	প্রতিশোধত নাদিৰে স্কুলবেগ ফালিলে।
প্রতিশোধত দ্বাৰাই স্কেলদাল ভাঙিলে	নাদিৰে চার্টটো ফালিলে।
দ্বাৰাই নাদিৰৰ মাফলাৱ লেতেৰা কৰিলে।	নাদিৰে টুপিতো লেতেৰা কৰিলে।
চৰ, ভুকু, মল্লযুদ্ধ	চৰ, ভুকু, মল্লযুদ্ধ
মূৰট বেন্ডেজ	ক’লা চকুৰপটি

   

সমাধান ২:

কিতাপখন ফলা দেখি নাদিৰে দ্বাৰাক কিতাপৰ ফলা পাতটো দেখুৱালে।দ্বাৰাই আঠাৰে তাক জোৰা লগাই দিলে।সিঁহত দুজন এতিয়াও বন্ধু।

নাদিৰ আৰু দ্বাৰাৰ দৰেই বহু মাত্রিক সমাধান ৰ বিষয়বস্তু বহু আছে। বিশেষকৈ বর্তমান আমাৰ আকোৰগোচ স্বভাৱৰ বাবে হোৱা সমস্যা বোৰৰ ক্ষেত্রত..

তাৰে এটা উদাহৰন এনেকুৱা হব কিজানি

ক ,খ গ, ঘ  চাৰি বন্ধু।

ক – পণ্ডিত প্রবন

খ-ৰক্ষণশিল

গ-জহঙ-মহঙ

সিহতৰ মাজতো এদিন এনে সমস্যা আহি পৰিছিল।

সমস্যা: পাকিস্থানৰ উগ্রপন্থীয়ে ভাৰতত হত্যালীলা চলালে,তাকে লৈ এক তাৰিখানাত আলোচনা আৰম্ভ হল ।

ক-এতিয়াই লাহোৰ বা কৰাচীত বোমা পেলাব লাগে ।৯-১১ কাণ্ডৰ লগে লগে আমেৰিকাই কি কৰিছিল দেখা নাই,আমেৰিকাইতো কাকো সুধি ফুৰা নাছিল।

খ-“ৰ” ই কি কৰি আছে।আমাৰো গুপ্তচৰ,বন্দুকধাৰী পঠিয়াব লাগে পাকিস্থানলৈ।ইজৰাইলে মুনিখ আলিম্পিকৰ হত্যাকাৰীবোৰক যেনেকে মাৰিছিল তেনকে মাৰিবলৈ।

গ-আৰু এই আদনান চামি (গায়ক) ,খালেড হোছেনী ?(লেখক) হঁতে ভাৰতত কি কৰি আছে?জোতাৰ মালা পিন্ধাই,দুই চৰ মাৰি ৱাঘাৰ সিপাৰ কৰি দিব লাগে।

ঘ-আৰে তহতে এনেকৈ কথা কৈ আছ যেন আমি মধ্যযুগত বাস কৰি আছো, ভাৰতৰ অর্থনীতি আৰু আন্তর্জাতিক ছবিত কি আঘাৎ পৰিব নাজান নে?আৰু গায়ক বা লেখকৰনো দোষ কত?সিহতেতো ভাৰতত আক্রমন কৰা নাই।

তর্ক বাঢ়ি গল

তাৰপিচত হোৱা জমাখৰছৰ খাতিয়ান এনেকুৱা

ক	খ	গ	ঘ
আতর্কিত ভাবে পাকিস্থানক আক্রমণ	ৰ’ৰ প্রত্যাক্রমণ ,আই এচ আই ষ্টাইলত	পাকিস্থানৰ লগত জৰিত প্রতিজনক গণশত্রু নির্ধাৰণ	আবেগ বাদ দি কুটনৈতিকভাবে সমস্যাৰ সমাধান।
বাকিবোৰ ভুল , ‘ঘ’ দেশদ্রোহী	বাকিবোৰ ভুল , ‘ঘ’ দেশদ্রোহী	বাকিবোৰ ভুল , ‘ঘ’ দেশদ্রোহী	আনবোৰৰ চিন্তাধাৰা পুৰনিকলীয়া ,আবেগিক আৰু জধামূর্খ
মোৰ মতহে সচা	মোৰ মতহে সচা	মোৰ মতহে সচা	মোৰ মতহে সচা
চৰ,ভুকু ,মল্লযুদ্ধ,চুৱা গালি।	চৰ,ভুকু ,মল্লযুদ্ধ,চুৱা গালি।	চৰ,ভুকু ,মল্লযুদ্ধ,চুৱা গালি।	চৰ,ভুকু ,মল্লযুদ্ধ,চুৱা গালি।
মুৰত বেন্ডেজ	তাড়ীখানাৰ পৰা বাহিৰ।	হাজোতৰ ৰঙা চাউল।	ক’লা চকুৰ পতি

সমাধান ২:

কোৰাচ (ক.খ,গ,ঘ): বাদ দিয়া হে ইউ এন আমেৰিকা, দুখন দেশৰ প্রধানমন্ত্রী মিলি যত এটা পক্কা সমাধান উলিয়াব পৰা নাই আমি কৰ কূটা?আমি বিশ্ব শান্তিৰ নামত এটাই কাম কৰিব পাৰো---

হেৰা আৰু এটা পেগ বনোৱা হে ।

এয়া হল ক ,খ,গ,ঘৰ কাহিনী।

সিঁহত এতিয়াও পিয়লাৰ সহোদৰ।

ক,ঘ হতৰ কাহিনী অলপ সংবেনশিলতাহীন যেন লাগিছে নহয় ,ঠিক আছে এতিয়া ভাৰত পাকিস্থান বা বিশ্বৰ সমস্যাৰ সমুহত নাদিৰ আৰু দ্বাৰাক থৈ চাওকচোন ,কিজানি সমস্যাবোৰৰ সৰল সমাধান আছিল...আমিহে বাটবোৰ হেৰুৱালো।

চিনেমাখন এই লিঙ্কটোত চাব পাৰে :Two Solutions for One Problem (Persian: دو راه حل برای يک مسئله)

অতীতক নাযাবা পাহৰি

নিয়মীয়া বার্তা :২/০৬/২০১৬
আমি আমাৰ ঐতিহ্যৰ বিষয়ে কিমান জানো? ‘অতীতক নাযাবা পাহৰি’ বাণীক আমি জানো হয় কিন্তু মানো কিমান তাত এতিয়াও সন্দেহৰ অৱকাশ আছে। নিকলাচ ৰ’ৰিকৰৰ জীৱন আর্হিৰ আলোচনাই হয়তো সেই দিশত আমাৰ আধৰুৱা কামবোৰত নতুন আলোকপাত কৰিব।

নিয়মীয়া বার্তাত ভাস্কৰ ঠাকুৰীয়ালৈ তিনিতি প্রশ্ন

তাৰিখ: ২৪/০৪/২০১৬

নিকলাচ ৰ’ৰিকৰৰ চাংক্টা

আজিৰ অসমৰ নিৰাশাজনক পৰিবেশৰ লগত তুলনা কৰিব পৰা পৰিবেশ- যুদ্ধত্তৰ আমেৰিকাৰ(১৯১৮ৰ পিচত) নিৰাশাময় পৰিবেশত বিভ্রান্ত আমেৰিকাক উদ্দেশ্য কৰি নিকলাচ ৰ’ৰিকৰে অকা ছয়খন ছবি।দেৱকান্ত বৰুৱাৰ কবিতাত উল্লেখিত –‘আমি দুৱাৰ মুকলি কৰো’ (And we open the gate) চাংক্টা শৃঙ্খলৰেই এখন বিখ্যাত ছবি।চাংক্টাৰ দর্শণ আৰু And we open the gate ৰ দর্শণে সিংদ্বাৰ উপন্যাসতো উপস্থাপিত হৈছে।

সেই চাংক্টা দর্শণৰ বিষয়ে এক নিবন্ধ ১৭/০৪/২০১৬ তাৰিখে নিয়মীয়া বার্তাত প্রকাশ কৰিছে।