অসমীয়া হাইকু 2 (アッサム語 俳句 )

১

দাবী বোৰ নো কি?

মাথো যাঁও আগুৱাই,

কাল-গর্ভত মিছিল।

 ______

2

গঙ্গা তীৰত গেৰুৱা বিশ্রাম

বতাহত ঘাম শুকুৱা স্তব্ধ সময়,

হওঁ নেকি তেনে উদাসীন।

________

৩

স্মৃতিৰ জল তৰংগ

ওপৰত নীলা চাদৰ- কুঁৱলীৰ

তলত এখন সুপ্ত চহৰ ।

টেহৰি ডেম :উত্তৰাখণ্ড ,এসময়ত ইয়াত এখন চহৰ আছিল

৪

শীতত বনৰ গছজোপা যেন
গ’ডৰ অনন্ত অপেক্ষাত প’জ* ,বা
অন্ধ ও নাঙঠ, জীৱনৰ দৰে।

 

(প’জ Waiting for Godot নামৰ নাটকখনৰ এটা চৰিত্র)

৫

এন্টিক ঘড়ীৰো কাটা ঘুৰে

নাই গত্যন্তৰ কালৰ গতিৰ,দেখোঁ-

পুৰাতন আবর্জনাত নিজকে